ਜੇਸੀ ਡੀਏਵੀ ਕਾਲਜ ਦੇ ਐਨਸੀਸੀ ਵਿੰਗ ਅਤੇ ਰੈੱਡ ਰਿਬਨ ਕਲੱਬ ਦੇ ਵਲੰਟੀਅਰ ਵਲੋਂ ਕੱਢੀ ਗਈ ‘ਸਵੱਛਤਾ ਹੀ ਸੇਵਾ ਹੈ’ ਮੰਤਵ ਨਾਲ ਸਫਾਈ ਮੁਹਿੰਮ ਰੈਲੀ
ਦਸੂਹਾ,(ਰਾਜਦਾਰ ਟਾਇਮਸ): ਪੰਜਾਬ ਸਰਕਾਰ ਅਤੇ ਐਨਸੀਸੀ ਦੀ 12ਪੰਜਾਬ ਬਟਾਲੀਅਨ ਦੇ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ‘ਸਵੱਛ ਭਾਰਤ ਮਿਸ਼ਨ’ ਤਹਿਤ ਜੇ.ਸੀ ਡੀ.ਏ.ਵੀ ਕਾਲਜ ਦੇ ਐਨਸੀਸੀ ਵਿੰਗ ਅਤੇ ਰੈੱਡ ਰਿਬਨ ਕਲੱਬ ਦੇ ਵਲੰਟੀਅਰ ਵਲੋਂ ‘ਸਵੱਛਤਾ ਹੀ ਸੇਵਾ ਹੈ’ ਮੰਤਵ ਨਾਲ ਸਫਾਈ ਮੁਹਿੰਮ ਰੈਲੀ ਕੱਢੀ ਗਈ।ਇਸ ਰੈਲੀ ਨੂੰ ਪ੍ਰਿੰਸੀਪਲ ਪ੍ਰੋ.ਕਮਲ ਕਿਸ਼ੋਰ ਹਰੀ ਝੰਡੀ ਦਿੰਦਿਆਂ ਕਿਹਾ ਕਿ ਗੰਦਗੀ ਨਾਲ ਬਿਮਾਰੀਆਂ ਅਤੇ ਨਕਾਰਤਮਕਤਾ ਆਉੱਦੀ ਹੈ ਅਤੇ ਆਪਣੇ ਆਲੇ-ਦੁਆਲੇ ਦੀ ਸਫਾਈ ਨਾਲ ਜਿਥੇ ਸਕਾਰਾਤਮਕ ਊਰਜਾ ਆਉਂਦੀ ਹੈ, ਉੱਥੇ ਤੰਦਰੁਸਤ ਸਮਾਜ ਦੀ ਵੀ ਸਿਰਜਣਾ ਹੁੰਦੀ ਹੈ।
ਇਹ ਰੈਲੀ ਵਿੱਚ ਵਲੰਟੀਅਰ ਨੇ ਸ਼ਹਿਰ ਦੇ ਮੁੱਖ ਬਾਜਾਰਾਂ, ਦੁਕਾਨਾਂ ਅਤੇ ਘਰਾਂ ਵਿਚ ਜਾ ਕੇ ਸਫਾਈ ਲਈ ਜਾਗਰੂਕ ਕੀਤਾ। ਐਨਸੀਸੀ ਵਿੰਗ ਦੇ ਅਫਸਰ ਲੈਫਟੀਨੈਂਟ ਡਾ ਭਾਨੂੰ ਗੁਪਤਾ ਅਤੇ ਡਾ ਦੀਪਕ ਕੁਮਾਰ ਨੇ ਵਲੰਟੀਅਰ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਵਿਸ਼ੇਸ਼ ਤੌਰ ਤੇ ਵਾਈਸ ਪ੍ਰਿੰਸੀਪਲ ਰਾਕੇਸ਼ ਮਹਾਜਨ ਅਤੇ ਡਾ.ਅਮਿਤ ਸ਼ਰਮਾ ਮੌਜੂਦ ਸਨ।
