ਹੁਸ਼ਿਆਰਪੁਰ,(ਰਾਜਦਾਰ ਟਾਇਮਸ): ਅੱਜ ਅੰਤਰਰਾਸ਼ਟਰੀ ਮਨੁੱਖੀ ਅਧਿਕਾਰ ਸੰਗਠਨ ਨੇ ਵਰਲਡ ਚੇਅਰਮੈਨ ਡਾਕਟਰ ਨੇਮ ਸਿੰਘ ਪ੍ਰੇਮੀ ਦੇ ਦਿਸ਼ਾ ਨਿਰਦੇਸ਼ ਅਨੁਸਾਰ ਪਾਸਪੋਰਟ ਦਫਤਰ ਦੇ ਨੇੜੇ ਛਬੀਲ ਅਤੇ ਲੰਗਰ ਸੇਵਾ ਦਾ ਆਯੋਜਨ ਕੀਤਾ ਗਿਆ। ਵੱਧਦੀ ਗਰਮੀ ਦੇ ਮੱਦੇਨਜ਼ਰ, ਸੰਗਠਨ ਦੇ ਅਧਿਕਾਰੀਆਂ ਨੇ ਸੰਗਤ ਦੀ ਸੇਵਾ ਲਈ ਇਹ ਪਹਿਲ ਕੀਤੀ। ਲੋਕਾਂ ਨੇ ਵੱਧ ਚੜ੍ਹ ਕੇ ਜਲ ਅਤੇ ਲੰਗਰ ਦਾ ਸੇਵਨ ਕੀਤਾ। ਇਸ ਮੌਕੇ ‘ਤੇ ਆਏ ਲੋਕਾਂ ਨੂੰ ਵਾਤਾਵਰਨ ਦੀ ਸੁਰੱਖਿਆ ਲਈ ਪ੍ਰੇਰਿਤ ਕਰਦੇ ਹੋਏ ਬੂਟੇ ਵੀ ਵੰਡੇ ਗਏ ਅਤੇ ਇਸ ਗੱਲ ਨੂੰ ਯਕੀਨੀ ਬਣਾਇਆ ਗਿਆ ਕਿ ਉਹ ਬੂਟਿਆਂ ਦੀ ਪੂਰੀ ਸੇਵਾ ਕਰਨਗੇ, ਤਾਂ ਜੋ ਅਸੀਂ ਹੁਸ਼ਿਆਰਪੁਰ ਦੇ ਵਾਤਾਵਰਨ ਨੂੰ ਸਹੀ ਢੰਗ ਨਾਲ ਬਿਹਤਰ ਬਣਾ ਸਕੀਏ। ਸੰਗਠਨ ਦੇ ਨੈਸ਼ਨਲ ਸੈਕਟਰੀ ਵਿਕਰਾਂਤ ਰਾਣਾ ਐਡਵੋਕੇਟ ਨੇ ਇਸ ਮੌਕੇ ਕਿਹਾ ਕਿ ਸੇਵਾ ਦੇ ਬਾਰੇ ਜਿੰਨੀ ਤਾਰੀਫ਼ ਕੀਤੀ ਜਾਵੇ, ਉਹ ਘੱਟ ਹੈ।ਇਸ ਸਾਰੀ ਸੇਵਾ ਦਾ ਸਿਹਰਾ ਹੁਸ਼ਿਆਰਪੁਰ ਦੀ ਅੰਤਰਰਾਸ਼ਟਰੀ ਮਾਨਵ ਅਧਿਕਾਰ ਸੰਗਠਨ ਦੀ ਟੀਮ ਨੂੰ ਜਾਂਦਾ ਹੈ। ਇਸ ਪਹਿਲ ਨੂੰ ਸਫਲ ਬਣਾਉਣ ਵਿੱਚ ਯੋਗਦਾਨ ਪਾਉਣ ਵਾਲੇ ਪ੍ਰਮੁੱਖ ਮੈਂਬਰਾਂ ਵਿੱਚ ਸੁਮਿਤ ਗੁਪਤਾ (ਜੁਆਇੰਟ ਸੈਕਟਰੀ ਪੰਜਾਬ), ਮੈਡਮ ਜੋਗਿੰਦਰ ਕੌਰ (ਮਹਿਲਾ ਪ੍ਰਧਾਨ), ਮੈਡਮ ਸਿਮਰਨ, ਮੈਡਮ ਪੂਨਮ, ਮੈਡਮ ਅਨੀਤਾ, ਰਸ਼ੀਨ ਬੇਰੀ (ਡਿਸਟ੍ਰਿਕਟ ਪ੍ਰੈਜ਼ੀਡੈਂਟ ਹੁਸ਼ਿਆਰਪੁਰ), ਨੇਹਾ, ਗੁਰਪ੍ਰੀਤ, ਮੈਡਮ ਗੁਰਦੀਪ ਕੌਰ, ਤਰਸੇਮ, ਨਰਿੰਦਰ,ਅਛਰ ਮੱਲ, ਰੇਖਾ, ਪ੍ਰੇਮ ਅੱਤਰੀ ਅਤੇ ਹੋਰ ਪਤਵੰਤੇ ਸੱਜਣ ਸ਼ਾਮਲ ਸਨ।

Previous articleਪਾਣੀ ਦੀ ਦੁਰਵਰਤੋਂ ਕਰਨ ਵਾਲਿਆਂ ਖਿਲਾਫ਼ ਹੋਵੇਗੀ ਸਖ਼ਤ ਕਾਰਵਾਈ : ਡਾ.ਅਮਨਦੀਪ ਕੌਰ
Next articleसंभावित बाढ़ से निपटने के लिए जिला प्रशासन पूरी तरह से तैयार : कोमल मित्तल